Прадпрымальнікі чакаюць Закона аб дабрачыннасці, мецэнацтве і спонсарстве
Канфедэрацыя прадпрымальнікаў настойвае на прыняцці Закона аб дабрачыннасці, мецэнацтве і спонсарстве.
Паводле старшыні прэзідыуму Рэспубліканскай канфедэрацыі прадпрымальнікаў Уладзіміра Карагіна, адсутнасць такога закона не дае бізнесу рэалізаваць свае сацыяльныя праграмы, падтрымаць таленты ці правесці культурніцкія, адукацыйныя ці спартыўныя мерапрыемствы.
- Канешне, ён неабходны. Спонсарства, мецэнацтва, дабрачыннасць – гэта важнейшыя формы праяўлення сацыяльнай адказнасці бізнесу. Без незаконных формаў гэта будзе мець пачварны характар. Пад выглядам дабрачыннасці могуць быць здзейснены якія-небудзь злачынствы.
Уладзімір Карагін кажа, што без закона кожнага прадпрымальніка, які вырашыў матэрыяльна дапамагчы праекту ці асобе, можна падвесці пад крымінальнае пакаранне. Такія выпадкі, паводле Уладзіміра Карагіна, гісторыіі вядомыя.
