Моладзевы актывіст з Гародні Андрэй Фамін арыштаваны на 7 сутак

Як стала вядома ПЦ "Вясна", сёньня судзьдзя Ленінскага райсуду Гародні Натальля Козел вынесла рашэньне па адміністратыўнай справе, заведзенай на моладзевага актывіста Андрэя Фаміна, затрыманага ўчора супрацоўнікамі міліцыі па абвінавачаньню ў дробным хуліганстве. Маладафронтавец атрымаў 7 сутак адміністратыўнага арышту нібыта за нецэнзурную лаянку.

Нагадаем, 19 сакавіка Андрэй Фамін быў выкліканы на допыт у якасьці сьведкі па крымінальнай справе, узбуджанай супраць лідэраў незарэгістраванага дэмакратычнага моладзевага руху "Малады Фронт". Пасьля допыту на вуліцы горада ён быў затрыманы міліцыянтамі і дастаўлены ў Ленінскі РАУС Гародні, дзе ў адносінах да яго быў складзены адміністратыўны пратакол. Ноч малады чалавек правёў у пастарунку.