У Гродна прэвентыўна затрыманы моладзевы актывіст Андрэй Фамін. Абвінавачаньне традыцыйнае - дробнае хуліганства

Як паведаміў ПЦ "Вясна" гарадзенскі праваабаронца Віктар Сазонаў, сёньня, 19 сакавіка лідэр мясцовага "Маладога Фронту" Андрэй Фамін быў выкліканы на допыт у КДБ у якасьці сьведкі па крымінальнай справе, узбуджанай супраць актывістаў моладзевага дэмакратычнага руху.

Калі допыт скончыўся і Андрэй Фамін пакінуў будынак Камітэту дзяржбясьпекі, у цэнтры гораду на Савецкай плошчы ён быў затрыманы супрацоўнікамі міліцыі і абвінавачаны ў зьдзяйсьненьні адміністратыўнага правапарушэньня - дробнага хуліганства.

Зараз моладевы лідэр знаходзіцца ў Ленінскім РАУС Гродна. Магчыма, што калі прыедзе адвакат, Андрэя Фаміна павязуць у суд.