У Драгічыне ў актывістак Партыі БНФ канфіскавалі ўлёткі

Як паведаміў БелаПан старшыня Берасьцейскай абласной арганізацыі Партыі Юрась Губарэвіч, Галіна Паўлава і Людзьміла Перадрыйчук на цэнтральным рынку горада раздавалі людзям віншаваньні да 89-ай гадавіне абвяшчэньня БНР і зварот да беларускага народа .

Каля 11.00 да іх падышлі супрацоўнікі міліцыі,затрымалі і і прывезьлі і апорны пункт міліцыі. А ў 12.40 іх выпусьцілі без складаньня пратаколу. У актывістак партыі канфіскавалі агулам калі 250 асобнікаў друкаванай прадукцыі.

"Можна сказаць, што сёньняшняе затрыманьне падкрэсьліла тое,што мы бачым па ўсёй краіне : "адлоў" актывістаў дэмакратычнага руху,распаўсюджваючых друкаваную прадукцыю. Не выключаю, што такое можа здарыцца і ў іншых рэгіёнах Беларусі ", - паведаміў Юрась Губарэвіч.