Марафонскі забег у Брэсце аб’яднаў і вайскоўцаў, і праваабронцаў (фота)
У Брэсце адбыўся традыцыйны марафонскі забег, прысвечаны памяці загінулых воінаў-інтэрнацыяналістаў. У ім прымалі ўдзел вучні, вайскоўцы і праваабаронцы з розных гарадоў рэспублікі. Сярод удзельнікам звярнуў на сябе ўвагу ветэран-марафонец праваабаронца Уладзімір Малей. Ён бег 12-кіламетровую дыстанцыю ў майцы з выявай палітвязня Алеся Бяляцкага і з бел-чырвона-белым сцягам у руках. Маральную падтрымку сябру аказваў другі брэсцкі праваабаронца Уладзімір Вялічкін.
Выдзяляліся сярод бегуноў і іншыя прадстаўнікі дэмакратычнай супольнасці. Яны былі апрануты ў майкі з выявамі Пагоні і бел-чырвона-белага сцяга. Актывісты прысвяцілі прабег 95-м угодкам Беларускай Народнай Рэспублікі.
Па словах Уладзіміра Вялічкіна, марафонскі забег, прысвечаны і воінам –інтэрнацыяналістам, і святу Незалежнасці і ўдзел у ім праваабаронцаў і дэмакратычных актывістаў сімвалізуе тое, што ў незалежнай Беларусі ўсе людзі могуць быць аб’яднанымі агульнай ідэяй і дзеяннямі.