Дзень Волі ў Свіслачы (фота)

Грамадскія актывісты з раённага цэнтру Свіслач, што на Гарадзеншчыне, таксама азначылі Дзень Волі. Яны сабраліся на магіле Віктара Каліноўскага, ушанаваўшы памяць усіх палеглых за беларускую свабоду і незалежнасць, наведалі помнікі славутых герояў бацькаўшчыны, якія ёсць у іх горадзе, таксама памятныя месцы, звязаныя з змаганнем за волю, павіншавалі суайчыннікаў. Гэтым разам перашкодаў з боку сілавікоў не было,  хоць, як паказалі нядаўнія падзеі, у юбілейны год з пачатку паўстання Кастуся Каліноўскага, у спецслужбаў да ўсяго што робіцца ў Свіслачы павышаная цікавасць.