Сёньня ў Дзень беларускай салідарнасьці ў Кракаве адбудзецца канцэрт найбуйнейшых рок-зорак Беларусі

Упершыню на адной сцэне для кракаўскай публікі заграюць: КРАМА, NRM, Pomidor/off.

Імпрэза адбудзецца ў клубе “Studio” на вул. Будрыка, 4. Пачатак канцэрту а 20.00. Уваход за сімвалічны кошт, паведаміла “Польскае радыё”.

Згаданая культурніцкая акцыя зьяўляецца першай імпрэзай серыі канцэртаў беларускіх музыкаў у Кракаве, мэта якіх - пазнаёміць палякаў з беларускай культурай. Арганізатарамі канцэрту зьяўляецца ініцыятыва кракаўскіх беларусаў “Беларуская альтэрнатыва”. Інфармацыйную падтрымку канцэрту забясьпечвае “Польскае радыё для замежжа”.