Маладафронтавец Артур Фінкевіч прызнаны судом Савецкага раёну сталіцы невінаватым.

7 жніўня ў судзе Савецкага раёну г. Мінску адбыўся разгляд адміністратыўнай справы ў адносінах 18-гадовага Артура Фінкевіча. Маладафронтаўца абвінавачвалі ў дробным хуліганстве, хаця ён быў затрыманы падчас распаўсюджаньня ўлётак і газеты «Наша ніва», і адбылося гэта ў ноч з 22 на 23 ліпеня. Такім чынам, судовае разьбіральніцтва ў гэтай справе працягвалася два тыдні.

Супрацоўнікі міліцыі, якія сьведчылі супраць Артура Фінкевіча ў судзе, давалі супярэчлівыя паказаньні, таму судзьдзя Руслан Казадаеў прызнаў спадара Фінкевіча невінаватым у дробным хуліганстве і накіраваў матэрыялы справы ў міліцыю на дапрацоўку.