Слонім: Алесь Бяляцкі пажадаў талакою будаваць беларускую хату

Перад Новым годам сябры Слонімскага згуртавання дэмакратычных сіл адправілі ўсім палітзняволеным віншавальныя паштоўкі. Нядаўна прыйшоў адказ ад Алеся Бяляцкага. Спадар Алесь піша: “Шаноўныя сябры! Быў рады атрымаць ад вас супольнае віншаванне, бо я быў і застаюся перакананым, што толькі талакою можна збудаваць нашую беларускую хату. Ад усяго сэрца віншую вас з 2013-м! Жадаю здароўя, узаемаразумення і імпэту! Зычу вам цярпення, упартасці, унутранага спакою і знешняй актыўнасці! Што тычыць мяне, дык сяджу сабе, на працу хаджу, газеткі пачытваю, так што ўсё пакуль нармальна. Да сустрэчы. Жыве Беларусь! Алесь Бяляцкі. 08 студзеня 2013. Бабруйск.”.