У Баранавічах таксама запланаваны пікет 19 снежня

Старшыня Баранавіцкай філіі Аб’яднанай грамадзянскай партыі Анжаліка Камбалава 4 снежня падала ў гарвыканкам заяву на правядзенне пікету. Грамадска-палітычную акцыю плануецца правесці 19 снежня ў старым парку горада, які рашэннем Баранавіцкага гарвыканкама вызначаны месцам масавых мерапрыемстваў.

– Мы хочам нагадаць жыхарам горада аб складаным сацыяльна-эканамічным становішчы ў нашай краіне і паведаміць аб тым, што грамадства сёння не мае магчымасці кантраляваць чыноўніцкую “непразрыстую” прыватызацыю дзяржаўнай маёмасці. Наш пікет стане яшчэ адной магчымасцю нагадаць, што без справядлівых і свабодных выбараў негатыўныя працэсы ў эканоміцы будуць павялічвацца, а жыццё людзей - пагаршацца, – паведаміла Анжаліка Камбалава.