Як высялялі “Вясну” (відэа)

26 лістапада судовыя выканаўцы сканфіскавалі маёмасць і апячаталі памяшканне Праваабарончага цэнтру “Вясна”, дзе цягам апошніх 12 год аказвалася дапамога рэпрэсаваным грамадзянам, ладзіліся прэсавыя канфэрэнцыі аб парушэннях правоў чалавека ды іншыя праваабарончыя мерапрыемствы.

За час існавання офісу Праваабарончага цэнтру “Вясна” яго наведалі тысячы грамадзян, Тут збіраліся сродкі для падтрымкі рэпрэсаваных, праводзіліся прэс-канферэнцыі, сустрэчы, трэнінгі і семінары.

24 лістапада споўніўся год, як быў вынесены прысуд кіраўніку Праваабарончага цэнтру “Вясна” Алесю Бяляцкаму, асуджанаму на 4,5 гады пазбаўлення волі з канфіскацыяй маёмасці па абвінавачанні ва ўхіленні ад уплаты падаткаў, а па сутнасці -- за атрыманне фінансавых сродкаў для дзейнасці арганізацыі. Гэты прысуд прысуд міжнародная грамадскасць расцэньвае як расправу над выбітным беларускім праваабаронцам і спробу спыніць дзейнасць Праваабарончага цэнтру “Вясна”.