Слуцкі райвыканкам адмовіў Партыі БНФ праводзіць мітынг, прысвечаны ўшанаванню памяці ўдзельнікаў Слуцкага паўстання
Акцыя была запланаваная 1 снежня на гарадскім стадыёне. Прычына адмовы – правядзенне мясцовымі ўладамі мерапрыемстваў з нагоды Сусветнага дня барацьбы са СНІДам.
Арганізатарамі мітінгу памяці ўдзельнікаў Слуцкага збройнага чыну выступалі старшыня Партыі БНФ Аляксей Янукевіч і лідэр слуцкай суполкі партыі Віталь Амяльковіч. Планавалася, што ўдзел у мерапрыемстве возьмуць да ста чалавек.
Нягледзячы на адмову райвыканкама, сябры Партыі БНФ збіраюцца прыехаць на Случчыну 1 снежня і ўскласці кветкі да памятных мясцінаў.
Віталь Амяльковіч збіраецца падаць у Слуцкі райвыканкам яшчэ адну заяву на правядзенне мітынгу ў іншы дзень.
Нагадаем, у мінулую нядзелю сябры партыі КХП-БНФ правялі да Дня Герояў дазволеныя ўладамі шэсце і мітынг ля Слуцкага краязнаўчага музею.
