Паліткамітэт ПАРЕ зноў заклікае вызваліць беларускіх палітвязняў
https://spring96.org/be/news/58159
2012
2012-10-04T16:42:08+0300
2012-10-04T16:42:08+0300
1970-01-01T03:00:00+0300
be
Такая заява была прынятая 4 кастрычніка ў Страсбургу на пасяджэнні камітэта па палітычных пытаннях Парламенцкай асамблеі Рады Еўропы.
ПАРЕ заклікае не проста неадкладна і без якіх-небудзь умоваў вызваліць, але і рэабілітаваць усіх палітвязняў, у тым ліку і тых, каго ўжо памілавалі.
У заяве гаворыцца, што 12 палітычных вязняў дагэтуль застаюцца ў турмах. Прычым з’явілася вартая даверу інфармацыя пра іх катаванні, недастатковую медычную дапамогу і дапамогу адвакатаў.
Акрамя таго, паліткамітэт ПАРЕ аднагалосна падтрымаў прапанову спецдакладчыка па Беларусі Андрэса Херкеля намінаваць беларускага праваабаронцу Алеся Бяляцкага на прэмію правоў чалавека ПАРЕ 2013 года.
