Прызначэнне новага “галоўнага міліцыянта” ў Віцебску адзначылі ўлёткамі і графіці

У Віцебску адзначаюцца так званыя “Дні горада”, і гэта першыя святкаванні ў абласным цэнтры, калі правапарадак супрацоўнікі міліцыі ахоўваюць на чале з новым кіраўніком абласной управы МУС. Актывісты “Народнага аўтаномнага супраціву” і “Маладога фронту” вырашылі бліжэй  пазнаёміць землякоў з новапрызначаным палкоўнікам Яўсеевым.

Актывісты “Н.А.С”  зрабілі трафарэты з партрэтам новага кіраўніка віцебскай міліцыі і надпісам “Асцярожна! Пярэварацень у пагонах!” Цяпер такія выявы можна сустрэць у шмат якіх месцах горада. А маладафронтаўцы распаўсюдзілі ўлёткі з інфармацыяй пра Ігара Яўсеева. У прыватнасці, папярэдзіўшы гараджан, што гэты чалавек на былой пасадзе намесніка кіраўніка мінскай міліцыі  адзначыўся на разгонах вулічных акцый 19 снежня 2010 года, а таксама на акцыях  “маўклівага пратэсту” ўлетку 2011 года.

Былы намеснік кіраўніка мінскай міліцыі Ігар Яўсееў прызначаны начальнікам віцебскай абласной міліцэйскай управы  з 15 чэрвеня.