Актывістам кампаніі "Гавары праўду” - па 15 сутак арышту
Судовая зала.
Затрыманых 21 чэрвеня актывістаў кампаніі "Гавары праўду!" Аляксандра Арцыбашава і Паўла Вінаградава верагодна будуць судзіць сёньня ў судзе Цэнтральнага раёна Менска. У чым вінавацяць актывістаў – пакуль невядома.
Арцыбашава затрымалі каля 13-00 ў раёне вуліцы Няміга. Гэта здарылася перад пачаткам чарговага палітычнага флэш-мобу «Мы прыйшлі, каб нас зноў пасадзілі» з удзелам плюшавых цацак.
Паўла Вінаградава ўчора каля дзесяці вечара забралі з ягонай кватэры. Затрыманне праводзілі супрацоўнікі Цэнтральнага РАУС Мінска. Прычыну затрымання пры гэтым не патлумачылі. Яго адвезлі ў Цэнтр ізаляцыі правапарушальнікаў на Акрэсціна.
* * *
11-30. У судзе Цэнтральнага
раёна Менска пачаўся разгляд адміністратыўнай справы Аляксандра
Арцыбашава. Яго вінавацяць у дробным
хуліганстве (арт. 17.1 КаАП РБ). Суддзя Вераніка Ткачова. Прысуд - 15 сутак арышту.
Справу Вінаградава будзе разглядаць суддзя Максім Церашкоў. Прысуд - 15 сутак арышту.
