Глыбокае: Падатковая інспекцыя схіляе да прымусовай падпіскі на галіновы часопіс

З інспекцыі тэлефануюць па прадпрыемствах ды "настойліва прапануюць" падпісацца на часопіс "Налоговый вестник". Між тым кошт часопіса не малы – 640 800 рублёў на паўгода.

"Мне патэлефанавалі, запыталіся, ці падпісана прадпрыемства на гэты часопіс. І пакінулі нумар тэлефона – каб падпісаўся, а потым "адсправаздачыўся", - распавёў на ўмовах ананімнасці дырэктар аднаго з малых прыватных прадпрыемстваў Глыбокага.

Цяпер ён вырашае, падпісвацца ці не. З аднаго боку, грошы на падпіску трэба аддаць немалыя. З другога боку,  "многія выпісваюць гэты часопіс, каб не мець у далейшым лішніх праблем з падатковай інспекцыяй", піша мясцовы сайт glybokae.by.