Суд над Паўлам Сяргеем перанесены ў чарговы раз
Павал Сяргей за кратамі
Працяг разгляду адміністратыўнай справы актывіста зарэгістраванай у Чэхіі арганізацыі “Малады фронт” Паўла Сяргея павінен быў адбыцца сёньня ў судзе Фрунзенскага раёна Менска. Суддзя Людміла Лаппо. Аднак у чарговы раз суд перанесены на 22 чэрвеня.
Юнак быў затрыманы яшчэ 22 красавіка, адразу пасьля выхаду з Цэнтра ізаляцыі правапарушальнікаў на Акрэсціна, дзе ён адбываў 5 сутак арышту. На яго быў складзены новы пратакол па артыкуле 17.1 КаАП РБ (дробнае хуліганства). На выходныя Павал быў змешчаны ў ізалятар на Акрэсціна. 25 красавіка павінен быў адбыцца суд, аднак на разгляд справы не з’явіліся сведкі-міліцыянты.
Чарговае прэвентыўнае затрыманьне, на думку актывіста, было звязанае з традыцыйным шэсьцем “Чарнобыльскі Шлях”, якое праводзілася 26 траўня.
