Глабальны Форум-2012
З 31 траўня па 2 чэрвеня ў польскім горадзе Ўроцлаве праходзіць Трэці штогадовы Глабальны форум (Global Forum). Палітыкі, эксперты, бізнесоўцы і грамадзкія актывісты з краін Эўропы й ЗША будуць абмяркоўваць пытанні ролі Цэнтральнай Еўропы ў міжнароднай палітыцы, а таксама партнэрскія адносіны паміж ЗША й Еўропай у галіне міжнароднай бяспекі. Ён будзе прысвечаны трансатлантычнаму супрацоўніцтву і пашырэнню дэмакратыі і свабоды, у прыватнасці ў краінах Усходняга партнёрства.
У рамках форуму адбудзецца ўручэньне ўзнагародаў Свабоды. Раней гэтую ўзнагароду атрымалі кіраўнік беларускага праваабарончага цэнтру «Вясна» Алесь Бяляцкі, Беларускі свабодны тэатр і Беларуская асацыяцыя журналістаў. Амерыканскі медаль Свабоды сёлета ўручаць Міхаілу Гарбачову, а таксама вязню Аўшвіца, былому жаўнеру АК і былому міністру замежных спраў Польшчы Уладзіславу Барташэўскаму.
Прэмія Свабоды Атлантычнай Рады ўручаецца з 2009 года. Першымі гэтую ўзнагароду атрымалі Біл Клінтан, міністр замежных спраў Германіі Гіда Вестэрвеле, мэр Берліна Клаус Воверайт, адмірал Джэймс Стаўрыдзіс, а таксама Лех Валенса і Вацлаў Гавел. Летась прэмію ўручалі былому прэзідэнту Польшчы Аляксандру Кваснеўскаму, старшыню Еўрапарламента Ежы Бузеку, былому Высокаму прадстаўніку Еўразвязу Хаўеру Салану і кубінскай арганізацыі «Жанчыны ў белым».
