viasna on patreon

Міхаіл Мускі. Суд 1 чэрвеня

2012 2012-05-31T12:49:44+0300 1970-01-01T03:00:00+0300 be

15 траўня моладзевага актывіста Міхаіла Мускага адправілі з ЦІП на вул. Акрэсціна ў ваенную частку пад канвоем для праходжання тэрміновай службы. Цяпер ён знаходзіцца ў вайсковай частцы № 22313 (Віцебская вобл., Лепельскі р-н, в Бароўка).

У сваю чаргу Міхаіл Мускі каля месяца таму накіроўваў заяву з патрабаваннем замены тэрміновай службы на альтэрнатыўную, але атрымаў адмову. Пасля чаго была накіравана скарга ў суд Нясвіжскага раёна, дзе на падставе наяўнасці заявы на праходжанне АГС, патрабавалася адмяніць рашэнне прызыўной камісіі.

Па законах Рэспублікі Беларусь, як толькі скарга рэгіструецца ў судзе, рашэнне прызыўной камісіі прыпыняецца. Такім чынам накіраванне Міхаіла на праходжанне тэрміновай службы да разгляду скаргі ў судзе было незаконным.

Сам разгляд скаргі на рашэнне прызыўной камісіі адбудзецца 1 чэрвеня ў Нясвіжскім раённым судзе (вул.Садовая, 11) у 11:00.

Апошнія навіны

Партнёрства

Сяброўства