У Оршы забаронена 14 пікетаў за свабодныя выбары

Аршанскі гарвыканкам, захоўваючы вернасць традыцыям, адмовіў актывістам АГП у дазволе на правядзенне 31 мая пікетаў за свабодныя выбары. Па ўсіх 14-і заяўках атрыманы адмоўны адказ.
Прычыны для адмоваў традыцыйныя - адсутнасць дамоваў з міліцыяй на ахову, медыцынскае абслугоўванне і прыборку смецця.
Варта нагадаць, што з 2007 года аршанскія ўлады не далі ніводнай згоды на правядзенне масавых акцый апазіцыі. Таму дадзеныя адмовы былі цалкам чаканымі. І ўсё ж самі заяўнікі не выключалі, што няхай не ўсе 14 пікетаў, а хаця б 1-2 выканкам дазволіць. Аднак цуду не здарылася.