Аршанскія актывісты АГП - за сумленныя выбары

Актывісты Аб'яднанай грамадзянскай партыі накіравалі ў Аршанскі гарвыканкам 14 заявак на правядзенне ў горадзе пікетаў. Усе заяўнікі просяць дазволіць пікетаванне 31 траўня з 15-00 да 17-00. Пікетамі яны маюць намер звярнуць увагу грамадзян, дзяржаўных і грамадскіх структур на неабходнасць сумленнага і транспарэнтнага правядзення выбарчых кампаній у Беларусі.

Актывісты плануюць правядзенне пікетаў як у кропках, спецыяльна адведзеных гарвыканкамам для пікетавання, так і ў іншых, не забароненых месцах.

Разам з тым самі арганізатары невысока ацэньваюць шансы на атрыманне дазволу ўладаў. З 2007 года ў Оршы не быў дазволены ні адзін пікет апазіцыі.