Прафілактыку злачыннасці сярод падлеткаў праводзяць у калоніі, дзе адбывае пакаранне Алесь Бяляцкі
Мерапрамества па прафілактыцы падлеткавай злачыннасці сярод навучэнцаў сярэдне-спецыяльных навучальных устаноў горада Бабруйска правёў сацыяльны аддзел Бабруйскай епархіі Рускай праваслаўнай царквы.
Як паведаміў інтэрнэт-сайт Бабруйскай епархіі, у межах мерапрыемства навучэнцы Бабруйскага дзяржаўнага будаўнічага прафісійна-тэхнічнага каледжа наведалі Выпраўленчую калонію № 2 горада Бабруйска, дзе змаглі азнаёміцца з умовамі ўтрымання вязняў. Падчас экскурсіі падлеткі наведалі памяшканні, дзе адбываюць карантын зноў прыбыўшыя зняволеныя, пабывалі ў пакоях, дзе жывуць арыштанты і пазнаёмілісь з іх бытам. Падлеткам дазволілі паразмаўляць з некаторымі зняволенымі, а пасля перад імі выступіў падпалкоўнік унутранай службы Ігар Матвіенка і кіраўнік сацыяльнага аддзела Бабруйскай епархіі Арцёмій Кушнір.
Нагадаем, што ў Бабруйскай ВК № 2 адбывае пакаранне кіраўнік Праваабарончага цэнтру “Вясна” Алесь Бяляцкі.
