Некаторыя людзі выжываюць дзякуючы сметніку (відэа)

Кантраст паміж прыгожым чыстым вясновым Мінскам і гарадскім сметнікам надта вялікі.

Мы з пагардай глядзім на смярдзючых бамжоў на вуліцах, адсоўваемся ад іх у грамадскім транспарце, калі такі туды зойдзе, бо побач з імі сапраўды немагчыма дыхаць. Можна назіраць, як яны ходзяць па горадзе з валізамі, збіраючы пустыя пляшкі, але мала хто на ўласныя вочы бачыў, як людзі рыюцца на гарадскім сметніку.

Што яны там шукаюць? Адказ просты - тое, з чаго можна потым жыць. Чаму? Напэўна, на гэтае пытанне можа быць значна больш адказаў. Адваротны бок жыцця. Сацыяльна неўладкаваныя і нікому не патрэбныя, яны таксама частка нашага грамадства...