Дзмітрый Ус намагаецца зарэгістраваць ініцыятыўную групу па ўнясенні зменаў у выбарчае заканадаўства (відэа)

1 траўня ў Мінску з ініцыятывы былога кандыдата ў прэзідэнты, палітвязня Дзьмітрыя Уса адбыўся сход пад адкрытым небам з мэтай стварэння ініцыятыўнай групы па падрыхтоўцы законапраекту аб унясеньні зменаў ў Выбарчы кодэкс Рэспублікі Беларусь. Сход 1 мая планаваўся ў парку Дружбы народаў, але гарвыканкам забараніў яго праводзіць, абгрунтаваўшы гэта тым, што там пройдуць першамайскія гулянні.

Чатыры разы Дзмітрый Ус атрымліваў адмовы ў правядзенні сходу ініцыятыўнай групы, якая будзе займацца зборам подпісаў у падтрымку яго ініцыятывы. 

Гэтыя змены мусяць спрыяць таму, каб выбары ў краіне сталі сумленнымі і справядлівымі. У склад ініцыятыўнай групы ўвашлі больш за 100 чалавек з усіх рэгіёнаў Беларусі. Да 20 траўня ў Цэнтравыбаркам перададуць дакументы аб рэгістрацыі ініцыятыўнай групы па змене выбарчага заканадаўства.

Мерапрыемства загадзя не анансавалася ў СМІ, каб не прыцягваць увагу спецслужбаў.  Тымя ня менш, не ўсе змаглі на яго трапіць: па шляху былі затрыманыя трое брэсцкіх і чацвёра баранавіцкіх актывістаў.