ЗША заклікалі афіцыйны Мінск "без усякіх умоў вызваліць астатніх палітзняволеных"
ЗША прынялі да ўвагі вызваленне экс-кандыдата ў прэзідэнты Беларусі Андрэя Саннікава і яго даверанай асобы на выбарах-2010 Дзмітрыя Бандарэнкі.
Пра гэта заявіў прадстаўнік Дзярждэпартамента ЗША Марк Тонер. Тэкст размешчаны на афіцыйным сайце Дзярждэпа.
"Гэта, разам з папярэднімі вызваленнямі, з'яўляецца значным крокам, — адзначыў Тонер. — Мы заклікаем урад Беларусі неадкладна і без усякіх умоў вызваліць астатніх палітзняволеных і забяспечыць ім поўную рэабілітацыю ў грамадзянскіх і палітычных правах".
Тонер падкрэсліў, што паляпшэнне сітуацыі з дэмакратыяй і правамі чалавека ў Беларусі застаецца ключавой умовай для паляпшэння беларуска-амерыканскіх адносін.
Андрэй Саннікаў і Дзмітрый Бандарэнка былі вызвалены з месцаў зняволення 14 і 15 красавіка. Яны накіроўвалі прашэнне аб памілаванні на імя кіраўніка дзяржавы
