Пад час акцыі каля кітайскай амбасады ў Менску затрыманы Яўген Контуш

У другой палове дня 16 сакавіка каля амбасады Кітайскай Народнай Рэспублікі ў Менску пад час правядзеньня акцыі быў затрыманы адзін з лідэраў беларускіх нацыянал-бальшавікоў Яўген Контуш. Выходныя ён правядзе ў Цэнтры ізаляцыі правапарушальнікаў на Акрэсціна.

Акцыя,у якой удзельнічала 5 чалавек была скіраваная супраць кітайскіх інвестыцыйных праектаў, якія істотна парушаюць правы беларусаўі ў тым ліку супраць вырубкі парка імя 40-годздзя Кастрычніка. Удзельнікі акцыі раскідалі ўлёткі, а таксама запалілі фаер.