Бабруйск: Арцём Мархасёў накіраваў скаргу ў Вярхоўны суд

Асуджаны за запаленыя на Дзяды свечкі Арцём Мархасёў вырашыў дабівацца праўды да канца і на днях накіраваў скаргу ў Вярхоўны суд. Нагадаем, што ён, а таксама Алена і Дзмітрый Тоўсцікі, Марына Іванова па рашэнні бабруйскай суддзі Таццяны Тарабуевай атрымалі па 700 тысячаў штрафу кожны. Арцём напісаў скаргу ў абласны суд, але магілёўскі суддзя Сяргей Конеў пакінуў рашэнне бяз зменаў. Кожны з чацьвёркі атрымаў пісьмовыя адказы, у якіх гаварылася, што іх довады і скаргі “неабгрунтаваныя”. 

Нягледзячы на папярэднія судовыя рашэнні, Арцём Мархасёў не хоча пагаджацца з такім пакараннем і лічыць яго бязглуздым і палітычна матываваным. Ён спадзяецца, што ў Вярхоўным судзе яго ды іншых затрыманых на Дзяды апраўдаюць.