Напярэдадні ператрус, пасля- напад

На сына наваполацкай актывісткі Вольгі Дамаскінай здзейснілі напад невядомыя. Увечары ў пятніцу, 17 лютага, каля сямі вечара Дзмітрый Рыжычэнка (на фота) вяртаўся дадому. У прахадной арцы на яго напалі ззаду, моцна ўдарылі па галаве і нанеслі некалькі ўдараў па нырках. Малады чалавек страціў прытомнасць. Ачуўшыся, ён набраў нумар маці, якая патэлефанавала ў міліцыю. Ні грошы, ні мабільны тэлефон у Дзмітрыя не ўзялі.

Міліцэйскі патруль, што падышоў па выкліку на заяву аб нападзе, адрэагаваў абыякава і параіў прыйсці ў аддзел і напісаць заяву.