У Баранавіцкай гарадской бальніцы ў некаторых палатах +10

У Баранавіцкай гарадской бальніцы ў некаторых палатах – толькі плюс дзесяць цяпла. Такая тэмпература, напрыклад, у неўралогіі ў палаце нумар 311. Хворыя, сярод якіх ёсць і спаралізаваны, ляжаць у палаце, нацягнуўшы на сябе па 2-3 коўдры, у цёплых шкарпэтках, швэдрах і вязаных шапачках. Знутры на вокнах відаць кускі лёду, які прымёрз да шыбаў. Дактары “абнадзейваюць” пацыентаў, што гэта самая халодная палата ў шпіталі. Самі хворыя і іх наведвальнікі з жахам чакаюць выходных, калі зноў абяцаюцць вяртанне моцных маразоў.

Баранавіцкія праваабаронцы збіраюцца пісаць скаргу адміністрацыі бальніцы і ў ЖКГ горада.