Віцебскіх актывістаў затрымалі па дарозе ў Шклоў
Яны збіраліся наведаць калонію, дзе адбывае пакаранне Мікола Статкевіч. Аднак супрацоўнікі ДАІ спынілі машыну, якой кіраваў віцебскі каардынатар руху “За свабоду”, яшчэ на выездзе з Віцебска.
Апрача гаспадара, у машыне былі незалежны журнліст Зміцер Казакевіч, сябар КХП БНФ Ян Дзяржаўцаў і Аляксей Гаўруціка, давераная асоба Мікалая Статкеівіча ў час мінулай прэзідэнцкай выбарчай кампаніі.
“Машыну спынілі каля пасёлка Акцябрскі. Спадару Жаляпаву сказалі, што падобная машына была зафіксавана ў ДТЗ ў Мінску яшчэ 30 лістапада, каля гадзіны начы. Таму гаспадар мусіць даць падрабязныя тлумачэнні, што ён рабіў у той час. Нас, траіх, абавязалі знаходзіцца тут жа, у абласной управе ДАІ, у якасці сведак,” – распавёў Аляксей Гаўруцікаў.
Ён дадаў, што пра візіт віцебскіх актывістаў у шклоўскай калоніі ведалі загадзя: напярэдадні яны тэлефанавалі туды, каб даведацца, калі можна трапіць на прыём да начальніка. Як высветліліся, якраз у панядзелак 19 снежня ў яго прыёмны дзень, і віцебскія актывісты меркавалі пагаварыць пра ўмовы ўтрымання палітвязня ў гэтай установе.
