Салігорскага актывіста Івана Шылу затрымалі сёньня ноччу

Салігорская моладзь штодзень расклейвае ў горадзе налепкі з выявай "16" ды абяўкі, якія заклікаюць салігорцаў прыняць удзел у чарговым Дні Салідарнасьці з семямі зьніклых і палітвязьняў. Сёньня ноччу быў затрыманы актывіст Іван Шыла. Хлопца завезлі ў пастарунак і склалі пратакол за распаўсюд друкаваннай прадукцыі без выходных дадзенных і сканфіскавалі ўлёткі "за Беларусь без Луки" ды улёткі, якія распавядаюць пра акцыю на плошчы, што мусіць адбыцца сёмы раз. Іван Шыла таксама выклікаецца ў пракуратуру ў якасьці сьведкі па справе супраць лідэраў "Маладога Фронту". Аднак на позву хлопец не рэагуе і супрацоўнікі міліцыі кожны дзень чакаюць яго каля падезду.