За запаленыя свечкі ў Бабруйску будуць судзіць 30 лістапада

30 лістапада адбудзецца суд над затрыманымі на Дзяды Аленай і Дзмітрыем Тоўсцікамі, Марынай Івановай і Арцёмам Мархасёвым. 

-Суд пачнецца ў 9.30, і судзіць на ім будуць адразу ўсіх, - распавяла Марына Іванова. На дадзены момант павесткі на рукі атрымалі ўсе, акрамя Дзмітрыя Тоўсціка.  

Нагадаем, што на гэтых сябраў “Маладых дэмакратаў” ужо некалькі разоў складалі пратакол як на ўдзельнікаў несанкцыянаванай акцыі, у дзень затрымання і пазней. Алену Тоўсцік міліцыянты наведвалі нават дома, у той час, як цяжка хварэла яе маленькая дачушка.