Уладзіміра Шанцава судзяць за Народны сход

Суд Ленінскага раёну Магілёва разглядае адміністрацыйную справу супраць старшыні абласной арганізацыі Аб’яднанай грамадзянскай партыі Ўладзімера Шанцава. Яго  вінавацяць у тым, што арганізаваў несанкцыянаванае мерапрыемства.

Паводле адміністрацыйнага пратаколу, Шанцаў 8 кастрычніка правёў масавае мерапраыемства без дазволу гарвыканкаму.

З абвінавачваньнем сябра АГП не згаджаецца і заяўляе, што закіды да яго надуманыя: “Я ж не першы раз у судзе, і калі разглядаюцца палітычныя справы, то гэта адбываецца насуперак логікі закону. Вось і ў маім выпадку напісана ў пратаколе, што праводзіў сход, не атрымаўшы дазволу ад гарвыканкаму, хаця мы строга выконвалі закон “Аб рэспубліканскіх і мясцовых сходах”. Гэты закон не патрабуе дазволу выканаўчай улады.  Закон “Аб масавых мерапрыемствам” на сходы не распаўсюджваецца. Калі разглядаць справу з гэтага гледзішча, то тут мае быць апраўдальны вердыкт суду, але паглядзім. У нас жа кажуць, што ад турмы не заракайся”, — заяўляе Шанцаў.

Справу супраць Уладзімера Шанцава 31 кастрычніка перакваліфікавалі. Раней яго абвінавачвалі менавіта ў парушэньні закону “Аб “Рэспубліканскіх і мясцовых сходах”. Ён нібыта не арганізаваў улік і рэгістрацыю ўдзельнікаў мясцовага сходу, які праходзіў 8 кастрычніка.

Да правядзення сходу Шанцава два разы пісьмова папярэджвалі, што недапушчальна парушаць закон “Аб масавых мерапрыемствах”. Папярэджаньні гарвыканкаму і пракуратуры Ленінскага раёну ён абскарджваў у аблвыканкаме і абласной пракуратуры. Ва ўпраўленні юстыцыі аблвыканкаму ў Шанцава патрабавалі прадаставіць спісы тых, хто падпісаўся за Народны сход – сябра АГП адмовіўся выконваць шэтае патрабаванне.