Працоўныя ААТ «Полацк-Шкловалакно» патрабуюць павышэння заробку праз суд
Памочнік майстра цэха № 7 ААТ «Полацк-Шкловалакно», сябра Свабоднага прафсаюзу Мікола Шарах падаў у Полацкі гарадскі суд іскавую заяву з патрабаваннем павысіць аплату працы за дадатковую працу, якую даводзіцца выконваць рабочым па патрабаванні адміністрацыі.
- У Працоўным кодэксе, у прыватнасці ў артыкуле 67, гаворыцца пра тое, што аплата дадатковай працы ажыццяўляецца наймальнікам па ўзгадненні з працоўнымі. У сувязі з адпачынкамі, выхадамі на бюлетэні шматлікім працоўным на прадпрыемстве прыходзіцца працаваць на пашыранай зоне. Мы лічым, што ў дадзеным выпадку наймальнік павінен павялічыць аплату працы, - каментуе кіраўнік СПБ ААТ «Полацк-Шкловалакно» Віктар Стукаў.
Стукаў таксама збіраецца звяртацца ў суд з падобнай іскавай заявай, толькі як працоўны іншай спецыяльнасці - аператар. У цяперашні час за дадаткова узятую нагрузку аператары атрымліваюць нават меншыя грошы, чым за асноўную зону.
