У суботу ў Мінску – ўстаноўчы сход “ГейБеларусі”

У суботу, 15 кастрычніка, у Мінску пройдзе устаноўчы сход праваабарончай арганізацыі геяў, лесбіянак, бісэксуалаў і трансгендараў “ГейБеларусь”. Гэта першая спроба зарэгістраваць ЛГБТ-арганізацыю ў Беларусі ад красавіка 1999 года. Тады Міністэрствам юстыцыі Рэспублікі Беларусь не была зарэгістраваная “Ліга Лямбда”.

“Місіяй нашай арганізацыі з’яўляецца стварэнне бяспечных і камфортных умоваў для жыцця ЛГБТ-супольнасці ў Беларусі”, - паведамяляе кіраўнік праваабарончага праекта "ГейБеларусь" Сяргей Андросенка.