У Гомелі затрыманы Андрусь Цянюта
Андрэй Цянюта
1 ліпеня ў двары ўласнага дома прэвентыўна быў затрыманы кіраўнік гомельскай структуры МФ Андрусь Цянюта. Зараз ён знаходзіцца ў ізалятары. Таксама былі затрыманыя Павал Прывалаў і Руслан Усьціменка.
Паўла Прывалава затрымалі каля 21 гадзіны. Яго абвінавачваюць у дробным хуліганстве (арт. 17.1 КаАП РБ). Чакаецца, што суды над Прывалавым і Цянютай адбудуцца 4 ліпеня.
28 сакавіка палітыпрызыўнік Андрусь Цянюта вярнуўся дадому пасля службы ў дэсантных войсках. На думку актывіста, ягоны прызыў быў цалкам палітычным, бо спачатку медыкі прызналі яго непрыдатным да вайсковай службы па стану здароўя, а потым ўсё перайначылі і забралі ў войска. Падчас службы ён спрабаваў дамагчыся магчымасці прайсці альтэрнатыўную грамадзянскую службу, звяртаўся ў суд са скаргай на дзеянні ваенкамату, але беспаспяхова.
