Масаваыя затрыманьні каля Адміністрацыі прэзідэнта
Каля 20 чалавек затрымалі ўвечары
17 траўня каля будынку Адміністрацыі прэзыдэнта Беларусі ў Менску. Гэта
ўдзельнікі акцыі, прысьвечанай барацьбе супраць гамафобіі. Сярод
затрыманых — актывісты праваабарончага праекту «ГейБеларусь»
і іх лідэр Сяргей Андросенка, прадстаўнікі некаторых моладзевых
грамадзкіх арганізацыяў.
Удзельнікі акцыі зьбіраліся пачаць шэсьце і раздаваць інфармацыйныя
ўлёткі, у якіх згадвалася, што 17 траўня адзначаецца Міжнародны дзень
супраць гамафобіі і трансафобіі. Як толькі яны пайшлі ў бок
праспэкту Незалежнасьці, дарогу ім перагарадзілі супрацоўнікі міліцыі
ў цывільным. Пасьля гэтага зьявіўся АМАП. Удзельнікаў акцыі адвезьлі
ў Ленінскі РАУС Менску.
Паводле апошніх паведамленьняў, там знаходзяцца 15 чалавек затрыманых.
Міліцыя пачала складаць пратаколы пра адміністратыўныя парушэньні.
Да 21-й гадзіны ўсіх затрыманых адпусьцілі без складаньня пратаколаў.
