Усе студэнты, адлічаныя па палітычных матывах, змогуць працягнуць навучанне ў ВНУ замежных краін, заявіў Аляксандр Мілінкевіч

Адзіны кандыдат у прэзідэнты ад дэмакратычных сіл Аляксандр Мілінкевіч вядзе перамовы з урадамі і рэктарамі вядучых еўрапейскіх ВНУ, каб беларускія студэнты, адлічаныя за ўдзел у бягучай прэзідэнцкай кампаніі, мелі магчымасць працягнуць навучанне за межамі краіны. Ужо ёсць дамова аб падпісанні адпаведнага пагаднення з рэктарамі польскіх ВНУ.

Акрамя таго, Аляксандр Мілінкевіч падкрэсліў, што пасля яго перамогі на прэзідэнцкіх выбарах незаконныя рашэнні аб адлічэнні студэнтаў будуць скасаваныя, паведаміла прэс-служба кандыдата.