У Калінкавічах асуджаныя два актывіста штабу Мілінкевіча

Пра гэта паведаміла Радыё Свабода. Жыхары Калінкавічаў Аляксей Маневіч і Дзяніс Рабенок былі затрыманыя ў першай палове дня 9 сакавіка мясцовымі міліцыянтамі нібыта паводле хуліганскіх дзеяньняў. Да вечара абодва былі асуджаныя на 15 сутак адміністрацыйнага арышту.

У судзе актывісты заявілі, што міліцыя справакавала бойку, у выніку якой яны былі затрыманыя. У міліцыі гораду Калінкавічы адмовіліся камэнтаваць заявы Аляксея Маневіча і Дзяніса Рабенка.