У Шчучыне канфіскаваныя агітацыйныя буклеты Аляксандра Мілінкевіча

На гарадзкім рынку сябры агітацыйнай групы раздавалі каляровыя буклеты адзінага кандыдата на Прэзідэнты ад дэмактатычных сіл, выдадзеныя на сродкі Цэнтравыбаркама - цалкам афіцыйная агітацыйная прадукцыя, з выходнымі дадзенымі, як належыць.

Міліцыянты, аднак, не захацелі слухаць тлумачэньні трох агітатараў за Аляксандра Мілінкевіча, а адвялі іх у пастарунак, склалі пратаколы канфіскацыі на амаль 500 буклетаў і запатрабавалі пісьмовыя тлумачэньні.

Траіх сябраў ініцыятыўнай групы пратрымалі каля трох гадзін у пастарунку, затым адпусьцілі.