У Вілейцы працягваецца ціск на актывістаў супраціву "Зубр".

Пры гэтым супрацоўнікі сьпецслужбаў выкарыстоўваюць самыя розныя метады. Так некаторым маладым людзям тэлефануюць дахаты невядомыя і патрабуюць, каб яны спынілю сваю грамадзкую дзейнасць.

Актывісты "Зубра" таксама заўважаюць рэчы, якія, на іх думку сведчаць аб цікавасці спецслужбаў да іх:

«Нашыя актывісты заўважаюць за сабой сачэнне. Пры карыстанні мабільнымі ці хатнімі тэлефонамі сувязь раптам знікае. З Інтэрнэту выкідвае праз кожныя некалькі хвілінаў, чаго раней ніколі не было. Няўжо ў нашых спецслужбаў няма больш істотных спраў, як сачыць за моладзю ці займацца тэлефонным хуліганствам?» -- пытаецца прэс-сакратар супраціву "Зубр" Алесь Атрошчанкаў.