viasna on patreon

Міхасю Башуру выставілі абвінавачванне

2010 2010-08-17T13:58:59+0300 1970-01-01T03:00:00+0300 be https://spring96.org/files/images/sources/kraty.jpg

Актывіст кампаніі «Гавары праўду» падазраецца ў падробцы дакумэнтаў для атрыманьня крэдыту.

16 жніўня Башуру прад’яўлена абвінавачаньне па частцы 1 і 2 артыкулу 380 Крымінальнага кодэксу «Падробка, выраб, выкарыстаньне альбо збыт падробных дакумэнтаў, штампаў, пячаткаў, блянкаў».

Два гады таму, выступаючы даручнікам жонкі, якая брала крэдыт, Башура нібыта прадставіў даведку аб заробку, у якой былі завышаныя даходы.

Башура быў затрыманы 7 жніўня на сваёй кватэры і цяпер знаходзіцца ў турме на Акрэсьціне. Справу вядзе міліцыя Савецкага раёна Менску. Як паведаміла адвакат Башуры Тамара Сідарэнка, цяпер штодня вядуцца актыўна сьледчыя дзеяньні.

У кампаніі «Гавары праўду» зьвязваюць перасьлед Міхася Башуры з ягонай актыўнасьцю ў гэтай кампаніі.

 

Апошнія навіны

Партнёрства

Сяброўства