Прымаюцца заяўкі на ўдзел у дыстанцыйным навучанні адвакатаў і юрыстаў
Сакратарыят міжнароднай Сеткі Дамоў правоў чалавека і Дом правоў чалавека ў Вільні аб'яўляюць набор на ўдзел у праграме дыстанцыйнага навучання адвакатаў і юрыстаў міжнароднаму праву правоў чалавека. Адбор удзельнікаў адбываецца на конкурснай аснове.
Праграма, якая здзяйсняецца адначасова для Азербайджана, Беларусі, Грузіі і Расеі, скіраваная на навучанне адвакатаў, юрыстаў прафесійнаму выкарыстанню ў судовай практыцы нормаў міжнароднага і канстытуцыйнага права і разлічаная на 1 год.
30 юрыстаў і адвакатаў ад кожнай краіны, адабраныя па выніках конкурсу, пройдуць тэарэтычную і практычную падрыхтоўку па прымяненні канцэпцыі правоў чалавека і міжнародных прававых стандартаў у нацыянальнай і міжнароднай прававой абароне, у тым ліку, у Еўрапейскім Судзе па правах чалавека і Камітэце па правах чалавека ААН.
Выпускнікі праграмы атрымаюць адмысловы сертыфікат пра сканчэнне поўнага курсу навучання "Міжнароднае права ў праваабарончай дзейнасці".
З падрабязнай інфармацыяй можна азнаёміцца на сайце Сеткі Дамоў правоў чалавека.
