Журналістаў запрашаюць на шэраг мерапрыемстваў да гадавіны расстрэлаў 1937 года
Крыжы ў Курапатах.
29–30 кастрычніка 1937 года ў Мінску расстралялі больш за сто чалавек — у асноўным прадстаўнікоў беларускай інтэлігенцыі. З нагоды чарговай гадавіны гэтай «чорнай даты» беларускія гісторыкі запрашаюць журналістаў на шэраг мерапремстваў.
28 кастрычніка ў 17.00 у офісе Партыі БНФ адбудецца прэс-канферэнцыя Каардынацыйнай рады па ўшанаванні памяці ахвяр палітычных рэпрэсій.
29 кастрычніка Грамадская ініцыятыва «Мемарыял» ладзіць прэс-тур па Мінску і наваколлі (Лошыца, Трасцянец, Курапаты).
Асабліва арганізатары запрашаюць журналістаў друкаваных СМІ, фота- і тэлекарэспандэнтаў.
Збор на Кальварыйскіх могілках у 12.00. Апошняе мерапрыемства адбудзецца ў 18.00 ва ўрочышчы Курапаты.
Таксама 29 кастрычніка ў 16.00 у Курапатах адбудзецца адкрыццё мемарыяльнага знаку на месцы пахавання, дзе ў 1988 годзе пры раскопках былі знойдзеныя парэшткі людзей.
