Прадпрымальніца заплаціць за гігіену сотні мільёнаў
https://spring96.org/be/news/29901
2009
2009-10-09T14:53:00+0300
2009-10-09T14:53:00+0300
1970-01-01T03:00:00+0300
be
https://spring96.org/files/images/sources/rynak1.jpg
Вышэйшы гаспадарчы суд сёньня пацьвердзіў рашэньне Віцебскага абласнога суду аб ускладаньні штрафу на аршанскую прадпрымальніцу Жану Бохан.
Жанчыну аштрафавалі на 160 мільёнаў рублёў, а таксама канфіскавалі тавар на мільён рублёў за працу без пасьведчаньня аб гігіенічнай рэгістрацыі. Жана Бохан кажа, што шматлікія кантрольныя органы цягам двух год не патрабавалі такога пасьведчаньня.
Лідэр руху “За свабоднае разьвіцьцё прадпрымальніцтва” Віктар Гарбачоў заяўляе, што сёньня прадпрымальнікі цалкам безабаронныя перад кантрольнымі органамі. А здарэньне ў Воршы сьведчыць пра тое, што адсутнасьць адзінага доўгатэрміновага заканадаўства аб прадпрымальніцтве дае магчымасьць уладам штодзённа ўжываць супраць прадпрымальнікаў жорсткія карныя акцыі.
