У Лідзе пачалася грамадзкая кампанія па перайменаваннью вуліцаў
Актывісты Лідскай філіі Таварыства беларускай мовы імя Францішка Скарыны пачалі збор подпісаў з прапановай да мясцовых уладаў перайменаваць шэраг вуліцаў раённага цэнтра, якія носяць савецкія назвы.
Неабыякавыя да сваёй гістарычнай спадчыны грамадзяне прапануюць уладам Лідскага раёна перайменаваць тры вуліцы раённага цэнтра: вуліцу Савецкую - у Віленскую, Камуністычную - у Грунвальдскую і 7 лістапада - у вуліцу імя Канстанціна Астрожскага.
Аб гэтым Радыё Рацыя паведаміў адзін з ініцыятараў збору подпісаў, сябра Лідскай гарадской рады Таварыства беларускай мовы Кірыл Сыцько.
Удзел у грамадскай кампаніі па перайменаванню вуліцаў у Лідзе прымаюць і грамадскія актывісты з другіх гарадоў Гарадзенскай вобласці, якія накіроўваюць лісты на імя старшыні Лідскага райвыканкама.
