“Спадчыне” адмоўлена ў рэгістрацыі

Галоўнае ўпраўленне юстыцыі Гарадзенскага аблвыканкама адмовіла ў дзяржаўнай рэгістрацыі грамадскаму  культурніцка-асветніцкаму  аб’яднаню “Спадчына” з Бярозаўкі.

Паводле рашэння начальніка упраўлення юстыцыі Аляксандра Сенькевіча, дакуманты на рэгістрацыю грамадскага аб’яднання “Спадчына” не адпавядаюць дзейнаму заканадаўству.

У сваю чаргу, кіраўнік арганізацыі Сяргей Трафімчык лічыць, што адмова ў рэгістрацыі сведчыць пра нежаданне ўладаў бачыць у прававым полі яшчэ адну легальную дэмакратычную арганізацыю.

Сябры культурніцка-асветніцкага аб’яднання “Спадчына” не выключаюць, што пасля кансультацый з юрыстамі будуць абскарджваць рашэнне упраўлення юстыцыі ў судовым парадку.