Маладым сацыял-дэмакратам адмовiлi ў рэгістрацыі
Міністэрства юстыцыі Беларусі адмовіла ў рэгістрацыі грамадскаму аб’яднаню “Маладыя сацыял-дэмакраты - Маладая Грамада”.
Намеснік міністра юстыцыі Ігар Тушынскі паведаміў заснавальнікам маладых сацыял-дэмакратаў аб тым, што адмова ў рэгістрацыі абгрунтавана неадпавядальнасцю статута арганізацыі патрабаванням заканадаўства: у прыватнасці, статут не акрэслівае межы карыстання маёмасцю грамадскага аб’яднаня.
На думку чыноўніка, у статуце адсутнічае парадак уліку сяброў і парадак абскарджвання рашэнняў ворганаў грамадскага аб’яднаня . Не адпавядаюць патрабаванням беларускага заканадаўства і мэты дзейнасці, акрэсленыя ў статуце.
У свой час сябра "Маладой Грамады" Аляксей Сігаеў каментуючы Рацыі адмову ў рэгістрацыі адзначае як памылкі пры ўнясенні зменаў у статут, так і прадузятыя адносіны чынавенства пры разглядзе рэгістрацыйных дакумантаў.
Бягучым часам юрысты разглядаюць пытанне мэтазгоднасці абскарджвання адмовы ў рэгістрацыі грамадскага аб’яднання "Маладыя сацыял-дэмакраты - Маладая Грамада" ў судзе, а канчатковае рашэнне па гэтаму пытанню прыме цэнтральная рада арганізацыі, якая збярэцца на сваё паседжанне 17 траўня.
