У Астраўцы прайшла інфармацыйная акцыя

Дэмакратычныя актывісты Гарадзеншчыны правялі  ў Астраўцы інфармацыйную акцыю, прысвечаную 23 гадавіне Чарнобыльскай трагедыі.

Яу паведаміў праваабаронца Уладзімір Хільмановіч, на цэнтральных вуліцах  Астраўца сябры АГП і моладзевага крыла партыі раздавалі людзям газету “Новы час”, якая ўтрымлівае матэрыялы, прысвечаныя Чарнобыльскай тэматыцы. Супрацоўнікі міліцыі не перашкаджалі правядзенню інфармацыйнай акцыі, але пільна сачылі за тым, што адбываецца.

У выніку жыхары Астраўца атрымалі  больш тысячы асобнікаў газеты “Новы час” і магчымасць падыскутаваць з дэмакратычнымі актывістамі аб мэтазгоднасці будаўніцтва атамнай станцыі на тэрыторыі раёна.