Суд па справе Франака Вячоркі, як высьветлілася, адбыўся на мінулым тыдні

Сёньня зраніцы адвакат Франака Вячоркі патэлефанавала ў суд Савецкага раёну з мэтай даведацца, ці будзе сёньня паседжаньне па справе абскарджаваньня пастановы мэдкамісіі. У судзе ёй паведамілі, што паседжаньне суду ўжо адбылося ў пятніцу 23 студзеня, суд прызнаў Франака Вячорку годным для службы ў войску, а пастанова высланая Франаку Вячорку на дом.
Нагадаем, што ў пятніцу Франаку Вячорку тэлефанавалі з Савецкага РУУС і запрасілі на паседжаньне суду 26 студзеня ў 16:00.

Першы намесьнік старшыні Партыі БНФ Вінцук Вячорка камэнтуе: "Такога нахабнага парушэньня ўсіх працэдураў вядзеньня суду мы ня бачылі яшчэ пры Лукашэнку. Суд адбыўся ў закрытым рэжыме, без удзелу скаржніка, якога папросту падманулі, паведаміўшы іншы дзень і час паседжаньня".

 
Суд па справе Франака Вячоркі, як высьветлілася, адбыўся на мінулым тыдні